Virtual Shiksha

HAMARA NETA

Loktantra hai aaj desh mein,

baadh aa gayee neta ki.

Netaon ki baadh dekh,

yaad aati dwapar-treta ki.

Ram aur Krishna nahin,

yaad aaten hain rawan aur shakuni
mama.

Matribhoomi ka har ke cheer,

Dushshaashan karta hungama.

Kurukshetra tha eek tabhi.

Aaj hua desh vyapi.

Rudhir baha karta galiyon mein,

jise dekh janata kaanpi.

Har chunaav mein neta karta,

junta se pakka wada.

Junta bhi sunti use,

samajhate huye aasli iraada.

Chunaav hota hai aaj is tarah,

yun junta ne vote diye,

chunna tha junta ko unme,

kisne sabse kam khoon kiye.

Abhineta bane hain neta aaj,

neta ab abhineta karte hain.

Abhinay neeti ka fark mita yoon,

khai miti neta aur abhineta ki.